ប្រឹងត្រដររស់ ព្រោះស្រេកឃ្លាន
យកវត្តជាស្ពាន ចុងជីវិត
រត់ម៉ូតូឌុប ចង់រស់ពិត
ទ័លផ្លូវគំនិត ដឹងធ្វើអ្វី(?)
យកវត្តជាស្ពាន ចុងជីវិត
រត់ម៉ូតូឌុប ចង់រស់ពិត
ទ័លផ្លូវគំនិត ដឹងធ្វើអ្វី(?)
អាយុជិតប៉ែត អត់អ្នកជិះ
គិតប្រឹងរេរិះ រកផ្លូវថ្មី
គិតមិនលេចសោះ ទោះប្រឹងក្ដី
សុំបាយលោកឆី រំលោះឃ្លាន។
គិតប្រឹងរេរិះ រកផ្លូវថ្មី
គិតមិនលេចសោះ ទោះប្រឹងក្ដី
សុំបាយលោកឆី រំលោះឃ្លាន។
ឱ ព្រះកាលអើយ ឥតមេត្តា
ឲ្យតាខ្លោចផ្សា ដូចសុំទាន
ឥតមានអ្នកជួយ ព្រួយព្រោះគ្មាន
ពោះចេះតែឃ្លាន ទារចំណី។
ឲ្យតាខ្លោចផ្សា ដូចសុំទាន
ឥតមានអ្នកជួយ ព្រួយព្រោះគ្មាន
ពោះចេះតែឃ្លាន ទារចំណី។
កម្សត់ខ្លួនណាស់ សូមព្រះជួយ
ទីពឹងខ្លួនមួយ រស់ក្រក្រី
កុំឲ្យទីទ័ល នៅជាតិថ្មី
លែងខ្វះអ្វីៗ ដូចជាតិនេះ។
ទីពឹងខ្លួនមួយ រស់ក្រក្រី
កុំឲ្យទីទ័ល នៅជាតិថ្មី
លែងខ្វះអ្វីៗ ដូចជាតិនេះ។
ឱ ជីវិតអើយ សែនទុរគត
ម៉ូតូចាស់រត់ អត់អ្នកជិះ
មិនចិត្តអាក្រក់ ឬគម្រិះ
តែបើហ៊ានជិះ ខ្លាចតាឌុប។
ម៉ូតូចាស់រត់ អត់អ្នកជិះ
មិនចិត្តអាក្រក់ ឬគម្រិះ
តែបើហ៊ានជិះ ខ្លាចតាឌុប។
តាវៀរមានឈ្មោះ រស់សូមទាន
ហួសប៉ងធ្វើមាន សូមមួយគ្រប់
ប្រឹងរត់ពីព្រឹក ដល់ព្រលប
សម្រាកពេលយប់ ទាំងហេវហត់។
ហួសប៉ងធ្វើមាន សូមមួយគ្រប់
ប្រឹងរត់ពីព្រឹក ដល់ព្រលប
សម្រាកពេលយប់ ទាំងហេវហត់។
ជីវិតរត់ឌុប មិនគ្រប់រស់
ក្រហើយជួបគ្រោះ រស់កម្សត់
តើឲ្យធ្វើអ្វី បើគាត់អត់
ព្រេងចារកំណត់ រដ្ឋអត់ជួយ(?)
ក្រហើយជួបគ្រោះ រស់កម្សត់
តើឲ្យធ្វើអ្វី បើគាត់អត់
ព្រេងចារកំណត់ រដ្ឋអត់ជួយ(?)
rbu_spp Jan 4, 2015 Puthpong Sao
No comments:
Post a Comment