rbu 704 -- បីឆ្នាំ លុប ដប់?

ការប្រឆាំងនឹង អំពើ ពុករលួយ
ពិតជាអាចជួយ កែប្រែ បានជ្រះធេង
សង្គមស្អាតស្អំ លូតលាស់ លែងកឹបកេង
លួចជាតិបាត់លែង អសោច សារពើ។

យុទ្ធនាការ នេះល្អ ជាជាងអត់ 
បើឲ្យប្រាកដ គួរតែ ចាប់ផ្ដើមធ្វើ
ពីថ្នាក់ដំបូង រៀងមក ឡើងដល់លើ
ផលពេញមិនស្ទើរ ជ្រះស្អាត ចិត្តពីតូច។

ចាំដល់ទីដប់ ទើបផ្ដើម ការអប់រំ
ដូចពាក្យចាស់ទុំ រំឭក ប្រៀបប្រដូច
ពត់ផ្ដៅត្រូវផ្ដើម ពីវា នៅខ្ចីតូច
កូនប្រុសស្រីដូច ប្រដៅ ទាន់នៅក្មេង។

ដប់ឆ្នាំចាំយូរ គន់គូរ គួរលម្អិត
សិក្សាប្រៀនប្រិត ទាំងពេល កុំលេងៗ
អប់រំមនុស្ស វិន័យ ក្រិត្យធំធេង
ពុំអាចគិតឈ្វេង កែក្មេង តាមតែស្មាន។

ចាំដល់ទីដប់ គិតសព្វ ដប់ឆ្នាំពេញ
ខួរក្បាលក្មេងវិញ ណែនប៉ែស ចេះប៉ុន្មាន
ទម្លាប់ដប់ឆ្នាំ ដុះស្លែ កែម្ដេចបាន(?)
ពុំគួរប្រមាណ គិតងាយ និយាយធូរ។

ពុំមែនបីឆ្នាំ ជម្រះ ទម្លាប់ចាស់ 
ជាប់ក្អែលក្រែលក្រាស់ ដុះស្លែ តាំងពីយូរ
ដប់ឆ្នាំទៅហើយ ទើបនឹក កែគិតគូរ
ដូចនិយាយធូរ គិតងាយ ហៅថាធ្វើ។

អប់រំបីឆ្នាំ ចាំចុះ ពុំខុសពី
ចាយលុយចុកស៊ី តែរឿង ឥតអំពើ
ខ្ជះខ្ជាយលុយកាក់ ដូចតែ ឲ្យល្អមើល៍
ផលនៃទង្វើ ជាក់ស្ដែង ស្ដួចស្ដើងណាស់។

សួរចុះដូចឆោត កោតគិត ពិនិត្យមើល
កុំធ្វើជ្រើលៗ ត្រូវតែ ប្រាកដច្បាស់
ធ្វើគម្រូក្មេង ចេញពី ពីមនុស្សចាស់
នោះទើបអាចដាស់ កែក្មេង ជួយសង្គម៕

© rbu_spp 7:21 pm Dec 29, 2014 Puthpong Sao

ប្រទេសខ្ញុំ ភាសាខ្ញុំ...
ឃឹម ច័ន្ទសុអហំ with Thou Sok and 7 others

ឃឹម ច័ន្ទសុអហំ with Thou Sok and 7 others

ប្រទេសខ្ញុំ ភាសាខ្ញុំ...

rbu 703 -- គម្រូកូនទាជួយត្រី

ការជួយគ្នា ពិតជា ចេញពីចិត្ត
វាពុំឋិត ដ្បិតតែ សាច់ញាតិទេ
មើលកូនទា នេះវា មានចិត្តគ្នេរ
បញ្ចុកគេ ជាត្រី ដទៃសាច់។

នេះពុំមែន ដោយសារ ការប្រកាន់
ឃើញជាក់ស្បាន់ ច្បាស់ស្ដែង បញ្ជាក់ស្រេច
ទង្វើល្អ ពុំបែង ឯង អញដាច់
វាសម្រេច នៅលើ ចិត្តធ្វើពិត។

ដឹងឬទេ អង្គការ កាកបាទ
ជួយសង្វាត សង្គ្រោះ ស្រង់ជីវិត
អ្នករងគ្រោះ ក៏ព្រោះ មានរឿងពិត
ទាហានជិត ស្លាប់ទៅ មានរបួស។

អ្នកទាំងពីរ មកពី រដ្ឋច្បាំងគ្នា
ដល់ពេលគ្រា គ្រោះធ្ងន់ ដឹងពុំរស់
យកអាវធំ ពាក់ឲ្យ ជួយសង្គ្រោះ
ឲ្យបានរស់ ទោះបី គូសត្រូវ។

អ្នកនៅរស់ ដឹងខ្លួន ក៏បានភ្ញាក់
ឃើញអាវពាក់ ដឹងជាក់ មុខជាត្រូវ
ស្លាប់ទៅបាត់ បើកុំ អ្នកសត្រូវ
យកអាវនៅ ពាក់ឲ្យ មុនគេស្លាប់។

នេះទើបមាន ច្បាប់ពី ឈ្លើយសង្គ្រាម
បង្ហូរឈាម តែពេល ច្បាំងប្រផាប់
តែហាមធ្វើ ទុក្ខទោស នៅពេលចាប់
ហាមសម្លាប់ ពេលចាប់ បានឈ្លើយសឹក។

មើលកូនទា ចិត្តវា ចេះប្រណី
ពាំចំណី ឲ្យត្រី ចាំស៊ីចឹក
ជាគម្រូ ជួយគ្នា ឲ្យរអឹក
ជីវិតដឹក ដើរត្រូវ គឺបែបហ្នឹង។

ជាទូទៅ ពេលនៅ ក្មេងតូចៗ
គម្រូដូច ឃើញនេះ មានអ៊ីចឹង
គ្រប់ជាតិសាសន៍ ក្មេងៗ ពុំគុំខឹង
ជួយបែបហ្នឹង ពុំមាន ការរើសអើង៕

© rbu_spp 10:03 am Dec 29, 2014 Puthpong Sao

Tag PhotoAdd LocationEdit

rbu 702 -- សុរាលើទ្រូងស្រី

១. សុរា សុរា ផ្អែមក្រហមថ្លា ស្រោចលើទ្រូងស្រី
បើបានក្រេបស្រា ដក់លើថនា រួមស្ម័គ្រមេត្រី
ស្គាល់អស់អ្វីៗ លើប្រាណនួនស្រី ស្រើបរំភើបអរ។

២. ព្រះកាមទេពអើយ សូមកុំសួរឡើយ ឆោមមាសបវរ
ប្រុសៗលង់ស្នេហ៍ នេះក៏ព្រោះតែ សាច់ស្រីខ្ចីស
សព្វដោយលម្អ ដូចនាងកិន្នរ បុរសចោមជុំ។

បន្ទរ. ភ្នែកប្រុស គន់ស្រី សម្លឹងមើលអ្វី ឃើញកំពូលភ្នំ
លើដើមទ្រូងសួគ៌ ឋានសុខភិរម្យ
ផែនដីវិលជុំ ព័ទ្ធទីគូភ្នំ លោមសូមភ័ព្វខ្ពស់។

៣. សុរា សុរា ពិតជាក់អ្នកជា មន្តមធុរស
ទាំងដុតតណ្ហា ក្ដៅសព្វឱរា ដុតទាំងជម្លោះ
លើកកេរ្តិ៍បង់ឈ្មោះ ព្រោះតែកន្និដ្ឋា សុរាស្នេហ៍ស្រី។

៤. បើបានបីបម ក្រសោបឱបថ្នម អង្អែលពិសី
ដូចឡើងឋានសួគ៌ ថើបផ្ដិតសព្វតួ ជាម្ចាស់លោកិយ
កែវកល្យាណី ពុំអាចមានអ្វី លើសមន្តសុរា៕

© rbu_spp 8:35 am Dec 29, 2014 Puthpong Sao

Puthpong Sao

rub 701 -- MOON SHINING IN WINTER (written in Khmer-7-foot form)

Oh, how the Moon shines in winter,
To the murmurs of the wind then,
Like a star shedding lights at night,
Bright till Snow pops out of its den.
"'Tis winter," scolds the snow -- angry,
"No mercy we're asking often!"

The Moon just smiles -- indifferently,
"I shed lights on the earth, not you"
"On behalf of my brother Sun:
"They need his warm help to get through,
"All the winter, not be frozen,
"And nothing from you they would sue!"

© rub_spp, 2:36 am Dec 29, 2024, Sao Puthpong

Gabriele Corno originally shared:

Gently Drifting.........by George Saad ‪#‎moon‬ ‪#‎moonshiners‬ ‪#‎snow‬

rbu 700 -- Tasting a Tasteless Food of Mind

Oh, my lovely Snowy Flower,
In late December you open,
Crusted with diamonds of Eden,
In jewels garden of God to pick.

Every heart is blessed as the love,
On high above felt as love-sick,
Sent to the earth through this nice pic,
Sung on the mic to fix the mind.

The mind itself lacks the full bliss,
Her cheeks to kiss as love is blind,
Hoping to know someone to find,
Two hearts combined from loyalty.

Unlike ·  · Share

rbu 699 -- កកូរល្បីឯក

ហៅនេះនាំឃ្លាន គ្មានអ្វីហូប
បានត្រឹមតែស្រូប ស្រមោលក្លិន
ឃើញរឹតតែឃ្លាន ក្នុងសុបិន
ឃាត់ពោះចាំសិន កុំហេវអី។

សម្លកកូរ កណ្ដៀងរាយ
ត្រប់ពុតញងលាយ បន្លែថ្មី
ចម្រុះរសជាតិ ល្វីងតិចក្ដី
កកូរល្បាញល្បី សម្លខ្មែរ។

មុខម្ហូបពិសេស បន្លែច្រើន
ប្រហុកបង្កើន រសជាតិដែរ
ទាំងក្លិនចាប់ចិត្ត អាហារខ្មែរ
អ្នកស្លពូកែ ចេះធ្វើឆ្ងាញ់។

ភ្លក្សទើបដឹងរស ចាំឈ្មោះពិត
ពេលមើលពិនិត្យ ឈ្ងុយក្លិនខ្លាញ់
បន្លែច្រើនមុខ កកូរឆ្ងាញ់
ជាម្ហូបសំឡាញ់ សម្លជាតិ។

កកូរល្បីឯក សាសន៍ដទៃ
តែងនឹកមមៃ ប៉ងមិនឃ្លាត
ពេលបានហូបហើយ ផ្ដាំប្រាប់ញាតិ
កុំភ្លេចរសជាតិ កកូរខ្មែរ៕

© rbu_spp Dec 27, 2014 Puthpong Sao

Phally Kim‎Natural khmer

មកៗ... ហូបបាយថ្ងៃត្រង់ជាមួយខ្ញុំ!

rbu 698 -- សម្រស់អប្សរ Sao Somaly

គន់ ភក្ត្រប៉ប្រិម ញញឹមស្រស់ សែនប្រិមប្រិយ
ដូច កិន្នរី ស្រីទេពសួគ៌ ចុះលោកា
មើល អង្គុលី ស្រលូនទី ទាក់នេត្រា
ឱ ស្អាតអស្ចារ្យ ម្រាមស្រលូន កូនអប្សរ!

ឱ ម្រាមដៃអើយ អ្នកបាននាង អង្អែលថ្នម
ដូច ស្គាល់រសដម មន្តមេត្រី ស្រីបវរ
មុខ តែសុបិន ផ្សងមាសឆ្អិន ឆោមកិន្នរ
ចិត្ត ជីវិតក៏ លោមកំដរ ផុតអស់ទុក្ខ។

© rbu_spp 8:46 am Dec 27, 2014 Puthpong Sao

rbu 697 -- សាលារៀនរដ្ឋ មានម្ចាស់

នេះជាផលនៃផ្នត់គំនិតសង្គមដែល សាលារៀនរដ្ឋមានម្ចាស់

សាលារៀនរដ្ឋ បែរមានម្ចាស់
ម្នាក់ពីរនាក់ច្បាស់ បែបនេះហើយ
គឺវាយ៉ាងហ្នឹង កុំឆ្ងល់ឡើយ
តើរកចម្លើយ នៅឯណា?

វាដូចវាសនា ក្មេងរាប់លាន
ចាំគេដាក់ទាន ជាដុល្លារ
ធ្លាក់ពីលើមេឃ សង់សាលា
ជីវិតកុមារ ពឹងលើអ្វី?

វាដូចវាសនា ក្មេងទាំងឡាយ
ផ្សងចាំចំហាយ ម្ចាស់ប្រណី
តើម្ចាស់ឯណា ជួយក្រក្រី
បាត់ពីផែនដី ជួសខ្លួនឯង?

ចង់ឲ្យរដ្ឋមាន វាសនាល្អ
ចាកផុតក្រីក្រ ជាជាក់ស្ដែង
កសាងកុមារ ចាកពីល្បែង
នយោបាយបង្វែង ប្រវ័ញ្ចរាស្ត្រ។

ថវិការដ្ឋ មានជាទុន
សាលាសង់មុន ឲ្យពោរពាស
តែបំបាត់ចោល ល្បែងយករាស្ត្រ
ជាធ្នាក់អង្គាស ភិថុតិទុន។

បណ្ដុះព្រលឹង ក្មេងរឹងប៉ឹង
ចំណេះរបឹង ត្រូវគិតមុន
កុំប្រើគ្នាគ្រាន់ ឲ្យផ្គាប់ផ្គុន
ឲ្យក្មេងជាប់គុណ មួយជីវិត។ ...

© rbu_spp 7:21 am Dec 27, 2014 Puthpong Sao

G

rbu 696 -- WHITE ROSE OF CHRISTMAS

O My white rose of thousand petals,
All as of heart shaped flower medals,
In glory to all of you and me, friends,
Everlasting friendship till world ends.

O Beauty of white rose, my goddess,
As each of us wishes for happiness.
'Coz the Earth is like a for-all Heaven,
And the World a real concert of Eden.

O Friendship of humans between us.
Till all oceans go dry, for life and plus,
May we remain friends of heart to find.
With love at heart and peace in mind,

Flickering pearled water drops so lovely
Like diamonds embedded in your beauty,
Do scatter as on your face and cheeks.
As Christmas Eve's on, everyone seeks.

Reading Benefits You, Poems in 3 Languages
http://r-b-u.blogspot.com

rbu 695 -- អាយុមិនអស់ មិនស្លាប់

គ្រោះ អាយុមិនអស់ ឃើញនឹងភ្នែកស្រស់ នៅរស់មិនស្លាប់
ស្លុត ដូចឃើញច្បាស់ស្រាប់ ពុំអាចនឹងប្រាប់ ហេតុអ្វីនៅរស់
ទោះ បីវិទ្យាសាស្ត្រ បកស្រាយពុំច្បាស់ គ្មានអ្វីពីព្រោះ
មួយ នៃរយលានគ្រោះ ជីវិតរួចរស់ ឆ្លងផុតមរណា។

នេះ មុខតែគិតថា ជាព្រេងវាសនា គ្រោះល្អមិនស្លាប់
ហោរ បកស្រាយសារសព្ទ គន់គូរតាមច្បាប់ អត្តៈហោរា
ស្ដែង ទាំងយើងទាំងគេ ច្បាស់ទែងម្ល៉េះទេ ពុំមានវាចា
តើ ឲ្យថាយ៉ាងណា បើមិនវាសនា ចារពីព្រេងនាយ?

ហ្នឹង បើឲ្យហោរទស្សន៍ គន់មើលពិគ្រោះ នៅមុនហេតុការណ៍
រួច ឆ្លងគ្រោះអស្ចារ្យ មុខតែនឹងថា នេះជាទំនាយ
ហើយ ក៏គង់ជឿច្បាស់ ថាមានរឿងខ្លះ ហួសនឹងនិយាយ
បើ ជឿតាមគ្រូទាយ ពុំអាចគិតងាយ ផាត់ចោលវាសនា។

តើ អ្នកជឿឬទេ ទាំងខ្ញុំទាំងគេ អំពីជីវិត
ទោះ ពិតឬមិនពិត មានគ្រោះនែបនិត្យ គឺជោគជតា
អ្នក ដែលមិនជឿសោះ ពេលឃើញភ្នែកស្រស់ គង់ងាកសង្កា
អាច ព្រមជឿវាសនា ឬជោគជតា គ្រោះអាក្រក់ល្អ។

គ្រោះ ដូចឃើញបែបនេះ ពុំបាច់រេរិះ ថាមានឬអ្វី
ខ្ញុំ ផ្ទាល់ជាសាក្សី បានឃើញសក្ខី ទាំងស្លុតភ័យអរ
មាន សិស្សនៃខ្ញុំម្នាក់ ទើបរៀនចប់វគ្គ ចេញឡានបើកបរ
វឹង គាត់បើកលឿនវ៉ ភ្លៀវចង្កូតក៏ បុករបងខ្ទ័រ។

តែ ក្នុងមួយដង្ហើម ជនម្នាក់ទើបផ្ដើម ងើបចេញពីនោះ
គ្រាំង ឡានបុកខុសម្នុស្ស(១) ឃើញគាត់ស្លន់ស្ទុះ ចំប្រប់ខ្លួនញ័រ
មើល មុខគាត់ឡើងស្លាំង ស្លុតរន្ធត់ខ្លាំង មិននឹងប្រឹងឈរ
ខ្ញុំ ជួយភាវនាធម៌ ព្រះប្រទានពរ អាយុមិនស្លាប់៕

ម្នុស្ស(១) (ពាក្យតម្រូវជើងកាព្យ) = មនុស្ស

អ្វីដែលខ្ញុំសរសេរភ្ជាប់នៅល្បះពីរចុងក្រោយ គឺជារឿងពិតដែលខ្ញុំបានឃើញផ្ទាល់ភ្នែក។ អ្នកបើកបរនោះជាសិស្សរបស់ខ្ញុំ នៅផ្ទះជិតគ្នាដល់សព្វថ្ងៃ។ (ខ្ញុំសូមមិនបញ្ចេញឈ្មោះគាត់ទេ ព្រោះពុំមានការអនុញ្ញាតពីគាត់)។

© rbu_spp 7:07 pm Dec 26, 2014 Puthpong Sao

02:01

rbu 694 -- CHRISTMAS EVE AND GREAT YEAR

Oh, my year of multicolored spike star,
High in the night sky as seen from afar,
Flickering like hope as witnessed through eyes. 
As life's a permanent struggle to rise.
What can't be overlooked are smiles and grins,
Like energetic forces for the wins.

Yeah, of course "It's been a great year!" to end,
With concocted experiences to mend.
And another great year 20-15
To follow with lucky events foreseen.
"Thanks for being a part of it," to cheer,
Oh "Merry Christmas and Happy New Year,"

© rbu_spp 10:27 pm Christmas Eve, Dec 24, 2014 Puthpong Sao

Puthpong's Year

rbu 693 -- គិតជាតិ ជាតិដឹង

គិតជាតិ ជាតិដឹង ប្រឹងអត់លុយ
យកជាតិ ជានុយ លុយចូលឯង
លួចជាតិ ជាតិលង់ ទុក្ខចំបែង
រាស្រ្តជេរ ក្ដែងៗ ពួកឯងចោរ។

លួចជាតិ ជាតិជេរ ដាក់បណ្ដា
សារាស្ត្រ បរា គង់ស្លន់ស្លោ
ជាប់ឈ្មោះ ប្លន់ជាតិ កំពូជចោរ
ពេលស្លាប់ ទាំងខោ យកមិនបាន។

ទៅទាំង ននល សល់កេរ្តិ៍ស្អុយ
ទាំងក្បិន សម្លុយ ត្រឹមរុំប្រាណ
វីឡា មាសពេជ្រ ទាំងប៉ុន្មាន
យកទៅ មិនបាន ទាំងឡានផង។

លួចជាតិ ជាតិដឹង លាក់មិនជិត
កុំបាច់ ឃុបឃិត ធ្វើបុណ្យសង
គិតថា លាងបាប រួចចំណង
ពៀរកម្ម តាមចង មិនរួចឡើយ៕

© rbu_spp 7:11 pm Dec 24, 2014 Puthpong Sao

Like ·  · Share

• Sok Jet, ប៉ែន ប៊ុណ្ណារ៍, Sok Somnang and 17 others like this.
• 1 share
• 

  Moon Long៖ ជាតិបាត់ជនបង់ ជាតិលិចជនលង់ ជាតិផុងគំនិត មនុស្សបាត់ធាតុដេីម ជនបាត់សុច្ចរិត ជនជាមនុស្សល្បិច យកជាតិធ្វេីឈ្នាន់។

  23 mins · Edited · Unlike · 4
• 

  ជា សំអាត ផ្កាយខ្មៅ៖ ជាតិសាសនា ព្រះមហាក្សត្រ
  ធ្វើធំយូរភ្លេចបាត់សល់តែអញ!!

  43 mins · Unlike · 2
• 

  Play Chantin៖ មិនយូមិនឆាប់កម្មនិងតាមទាន់

  26 mins · Unlike · 2
• 
•