ដំរីព្រេចហ្ម ក្នុងរោងសៀក
រំលៀកបុកទ្វារ រត់ចេញក្រៅ
ព្រេចឆ្មាំខ្ទប់ទ្វារ ស្ទុះសំដៅ
មួម៉ៅលឿនស្លៅ គេចដោះខ្លួន។
គេចទៅណាបាន តាមអធ្វា /ផ្លូវ/
មានព្រៃអគារ មិនអាចពួន
គេបាញ់ផាំងៗ ត្រូវផ្ទួនៗ
ដួលឈាមដាបខ្លួន កណ្ដាលផ្លូវ។
ប៉ែតប្រាំមួយគ្រាប់ ស្នូរកាំភ្លើង
ចំក្បាល ខ្លួន ជើង ប្រមោយត្រូវ
ឈាមហូរដាបថ្ងូរ ផ្ដាំម៉ែឪ
"កូនស្លាប់ឥឡូវ ជួយកូនផង!"។
ចង់បានសិទ្ធិ៍រស់ នៅព្រៃវិញ
គេទិញជួញប្រើ រំលោភផង
ព្រាត់ឪម៉ែញាតិ ព្រាត់ប្អូនបង
"ជួយផង ឪអើយ ម៉ែអើយជួយ!"។
"កូនស្លាប់ហើយម៉ែ កណ្ដាលផ្លូវ
ម៉ែ ឪ កូនស្លាប់ ខ្លួនតែមួយ
ទុក្ខធំស្រែកយំ គ្មានអ្នកជួយ
រស់-ព្រួយ ព្រាត់-ស្លាប់ ប្រាប់អ្នកណា!"។
រងរបួសធ្ងន់ ទ្រហោយំ
ដង្ហើមទុក្ខធំ ជិតមរណា
កាំភ្លើងព្រានបាញ់ ផ្ទួនប្រហារ
ទឹកភ្នែកសោកា ប្រឹងតស៊ូ។
"បើខ្ញុំចេះហោះ មានស្លាបហើរ
មិនដើរលើដី រត់នាំយូរ
ឲ្យគេតាមបាញ់ ឈាមហូរឈូ
ជើងខ្ញុំពីរគូ ស្រុតលុតដួល។"
"ម្ល៉េះសមខ្ញុំហោះ ក្នុងវេហាស៍
គេចផុតមរណា យ៉ាងងាយស្រួល
បានជួបឪម៉ែ លែងក្ដុកក្ដួល
មិនដួលដេកស្លាប់ ឥតខ្លឹមសារ។"
ដំរីតៃគី/Tyke/ ដួលដេកស្លាប់
ដូចបានឃើញស្រាប់ ម្ភៃសីហា
ឆ្នាំកៅបួននៅ ស.រ.អា.
រដ្ឋហាវ៉ៃ ហូ ណូលូលូ។
© rbu_spp 9:56 am August 19m 2014 Sao Puthpong, Phnom Penh
រំលៀកបុកទ្វារ រត់ចេញក្រៅ
ព្រេចឆ្មាំខ្ទប់ទ្វារ ស្ទុះសំដៅ
មួម៉ៅលឿនស្លៅ គេចដោះខ្លួន។
គេចទៅណាបាន តាមអធ្វា /ផ្លូវ/
មានព្រៃអគារ មិនអាចពួន
គេបាញ់ផាំងៗ ត្រូវផ្ទួនៗ
ដួលឈាមដាបខ្លួន កណ្ដាលផ្លូវ។
ប៉ែតប្រាំមួយគ្រាប់ ស្នូរកាំភ្លើង
ចំក្បាល ខ្លួន ជើង ប្រមោយត្រូវ
ឈាមហូរដាបថ្ងូរ ផ្ដាំម៉ែឪ
"កូនស្លាប់ឥឡូវ ជួយកូនផង!"។
ចង់បានសិទ្ធិ៍រស់ នៅព្រៃវិញ
គេទិញជួញប្រើ រំលោភផង
ព្រាត់ឪម៉ែញាតិ ព្រាត់ប្អូនបង
"ជួយផង ឪអើយ ម៉ែអើយជួយ!"។
"កូនស្លាប់ហើយម៉ែ កណ្ដាលផ្លូវ
ម៉ែ ឪ កូនស្លាប់ ខ្លួនតែមួយ
ទុក្ខធំស្រែកយំ គ្មានអ្នកជួយ
រស់-ព្រួយ ព្រាត់-ស្លាប់ ប្រាប់អ្នកណា!"។
រងរបួសធ្ងន់ ទ្រហោយំ
ដង្ហើមទុក្ខធំ ជិតមរណា
កាំភ្លើងព្រានបាញ់ ផ្ទួនប្រហារ
ទឹកភ្នែកសោកា ប្រឹងតស៊ូ។
"បើខ្ញុំចេះហោះ មានស្លាបហើរ
មិនដើរលើដី រត់នាំយូរ
ឲ្យគេតាមបាញ់ ឈាមហូរឈូ
ជើងខ្ញុំពីរគូ ស្រុតលុតដួល។"
"ម្ល៉េះសមខ្ញុំហោះ ក្នុងវេហាស៍
គេចផុតមរណា យ៉ាងងាយស្រួល
បានជួបឪម៉ែ លែងក្ដុកក្ដួល
មិនដួលដេកស្លាប់ ឥតខ្លឹមសារ។"
ដំរីតៃគី/Tyke/ ដួលដេកស្លាប់
ដូចបានឃើញស្រាប់ ម្ភៃសីហា
ឆ្នាំកៅបួននៅ ស.រ.អា.
រដ្ឋហាវ៉ៃ ហូ ណូលូលូ។
© rbu_spp 9:56 am August 19m 2014 Sao Puthpong, Phnom Penh
No comments:
Post a Comment