rbu កត្តាប្រាំយ៉ាងសាងមនុស្ស

កត្តាប្រាំយ៉ាង សាងមនុស្ស
ឲ្យលុះដុះត្រូវ ផ្លូវជោគជ័យ
កុមារទីមួយ មាននិស្ស័យ
ពីកំណើតនៃ ជីវិតមក។

គ្រួសារទីពីរ ធាតុផ្សំគ្នា
តម្រង់ផ្លូវវា ថែពន្លក
ឲ្យលូតលាស់ល្អ ដៅផ្ចង់រក
ចាប់យកបង្កើត គ្រប់អ្វីៗ។

មជ្ឈដ្ឋានរស់នៅ ផ្សំបន្ទាប់
ជាកត្តារាប់ ថាទីបី
មានសណ្ដាប់ល្អ សុខសួស្ដី
ដើម្បីរួមគ្នា សាងសង្គម។

សាលាទីបួន ខាងផលិត
រួមគ្រូជាងស្និទ្ធ ជំនាញពុម្ព
ឆ្លាក់អភិវឌ្ឍន៍ លូតសង្គម
ពលរដ្ឋជាធំ អ្នកចេះដឹង។

កត្តាទីប្រាំ សង្គមទៀត
សំខាន់ផ្សំស្នៀត រួមពង្រឹង
ឲ្យក្មេងពូកែ ខ្លាំងរឹងប៉ឹង
ចេះដឹងចេះធ្វើ ផលចំណាប់។

ក្មេងដុះផ្លូវត្រូវ ដូចជាឈូក
ទោះដុះលូតលូក ពីភក់ល្បាប់
ក៏ក្លិនបញ្ចង់ រសចិត្តជាប់
ក្លាយប្រាជ្ញកេរ្តិ៍គាប់ ទ្រព្យសាងជាតិ៕

កំណាព្យនេះដកស្រង់ចេញពីកំណាព្យខ្ញុំ "គ្រូលះបង់សាងលោកអភិវឌ្ឍន៍"
ក្នុង Reading Benefits You (ការអានមានប្រយោជន៍) http://r-b-u.blogspot.com/

Sok Touch - សុខ ទូច

មនុស្សគ្រប់រូបត្រូវធ្វើនៅពេលដែមានជីវិតរស់នៅលើផែនដីរហូតយើងវិលទៅវិញ
១. យើងកុំគិតថាត្រូវការពីសង្គមយើងត្រូវសួខ្លួនឯងថាមានអ្វីផ្ដល់ឲ្យសង្គម
២. យើងមិនត្រូវនឿយហត់នៅពេលដែលសង្គមត្រូវការ
៣. មនុស្សកើតមកត្រូវតែមានកិច្ចសន្យាសង្គម
៤. មនុស្សបង្កើតសង្គម. សង្គមបង្កើតបញ្ហា. មនុស្សត្រូវតែដោះស្រាយបញ្ហា
៥. មនុស្សជាវិចិត្តករឆ្លាក់សង្គមបើសិនមនុស្សមានចំណេះ

rbu ស្រណោះនគរចាម

ចំប៉ាមេរៀន សម្រាប់ជាតិ
អ្នកសន្តានញាតិ ជាតិជាចាម
គិតដឹងយ៉ាងច្បាស់ ថាវៀតណាម
លេបនគរចាម ទាំងមូលបាត់។

នរណាជួយចាម បានទៅន៎
ពេលបាត់នគរ រស់សាត់ព្រាត់
ឃើញកេរដូនតា ចង់ហាមាត់
ចិត្តឃាត់ប្រយ័ត្ន ហាទៅស្លាក់។

"តើយើងជួយគ្នា បានពេលណា?"
ខ្លះឆ្លើយឡើងថា "មានទ្រព្យប្រាក់ "
ទើបអាចជួយគ្នា បានប្រច័ក្ស
ឬពេលឡើងថ្នាក់ បាន"ស័ក្តិ៍ធំ "។

"តើយើងជួយជាតិ បានពេលណា"
ខ្លះច្បាស់ឆ្លើយថា "ពេលធ្វើធំ "
មុខតែញាតិមិត្ត មកចោមជុំ

ឬពុំនោះទេ "ធ្វើសេដ្ឋី "។

ចម្លើយអស់នេះ ត្រូូវត្រង់ខុស
និយាយប្រាប់ចុះ តាមសេចក្ដី
យើងជួយគ្នាបាន ជាសក្ខី
យើងក្ដី"តែពេល ជីវិតនៅ "។

ឯយើងជួយជាតិ ក៏ដូចគ្នា
តែ"នៅវេលា យើងរស់នៅ "
និង"ពេលជាតិយើង មានគង់នៅ "
បើជាតិបាត់ទៅ ជួយលែងបាន។

មើលតែជាតិចាម ដឹងច្បាស់ស្រាប់
ពេលជាតិខ្លួនស្លាប់ ទោះសល់ដាន
ប្រាសាទដូនតា ចាមបុរាណ
ជួយជាតិលែងបាន បាត់ប្រទេស។

នេះហើយមេរៀន ខ្មែរត្រូវចាំ
ជាប់ជាបណ្ដាំ កុំបីធ្វេស
កុំឲ្យបាត់ជាតិ បង់ប្រទេស
ប្រហែសបរទេស លេបដូចចាម៕

© Copyright rbu - SPP 01-11-2013

The ancient civilization of Champa exist as an independent entity from the 2nd until 18th century AD ( Central Vietnam today) ~⊱•❈❀ღ✿⊰❂⊱✿ღ❀❈•⊰~ Photo From Chivee Bloom

rbu Nostalgia of Khmer Cinema គ្រោះថ្នាក់សិល្បៈមុខលុយ

កុនខ្មែរសព្វថ្ងៃ វិស័យចម្រៀង
ប្រែប្រួលមិនទៀង មិនដូចពីដើម
កវីនិពន្ធ សិល្បករឆ្នើម
ស្នាដៃសម្បើម ល្បីណាស់ពីមុន។

តំបន់អាស៊ាន គ្មានប្រទេសណា
ឈ្នះកម្ពុជា ខាងវិស័យកុន
មិនដូចឥឡូវ កុនខ្មែរដាបដុន
ដួលធ្លាក់យ៉ាកចុន សែនអន់អ្វីម៉្លេះ។

ហ្នឹងព្រោះឥឡូវ និយាយតាមត្រង់
សម្បូរអ្នកចង់ ច្រើនជាងអ្នកចេះ
គេធ្វើអ្វីៗ ពុំគិតតម្រិះ
គិតថាលុយចេះ ធ្វើបានគ្រប់យ៉ាង។

អ្នកចង់អ្នកចេះ តម្រិះខុសគ្នា
ចង់ឥតវិជ្ជា យកលុយជាអាង
ធ្វើតាមអារម្មណ៍ អំណួតឡើងចាង
សព្វយ៉ាងកិច្ចការ បរាខូចបង់។

អ្នកចេះមានក្បួន លាក់ខ្លួនពុំចេញ
ឯអ្នកចង់វិញ ចេញមុខអួតខ្ញង់
បានដៃក្រុមហ៊ុន កើបលុយត្រង់ៗ
ជាមួយអ្នកចង់ កុនខ្មែរធ្លាក់ទឹក។

ទម្លាប់គិតងាយ និយាយធូរៗ
ប្រព្រឹត្តយូរៗ ទង្វើតាមនឹក
គ្មានក្បួនតម្រា គិតយប់ធ្វើព្រឹក
ធ្វើតាមចិត្តនឹក ធ្លាក់ទឹកអសារ។

អ្នកដឹកនាំអន់ អ្នកនិពន្ធខ្សោយ
ចាក់គ្នាបណ្ដោយ ពុំយល់សាច់ការ
អ្នកថតចេះស្ទើរ ស្មានខុសតម្រា
អ្នកស្ដែងសោតណា យល់ការតិចពេក។

ស្ដាប់តែចម្រៀង គេច្រៀងឥឡូវ
ពាក្យពេចន៍ខុសផ្លូវ អួតខ្ពស់កប់មេឃ
ពុំត្រូវជើងកាព្យ គំនិតរាក់ពេក
គួរឲ្យសង្វេគ សិល្បៈមុខលុយ។

ទំនុកចម្រៀង សំនៀងគ្មានបទ
ខ្វះក្បួនប្រាកដ គេគិតតែលុយ
សមត្ថភាពស្ទើរ គុណភាពធូរឃ្សុយ
សិល្បៈក្រោមលុយ លង់ទឹកដុល្លារ។

មើលការសម្ដែង ឃើញឯងអារម្មណ៍
ទាំងអ្នកដឹកនាំ សម្អាងកាយា
មិនត្រូវសាច់រឿង ទាំងកាយវិការ
មារយាទសោតណា ឱបថើបងាយៗ។

សិល្បៈគិតងាយ និយាយធូរហ្នឹង
អាចឲ្យថ្លែងថ្លឹង ដឹងចិត្តរាយមាយ
ឃើញច្បាស់នឹងភ្នែក ពុំបាច់និយាយ
ការគិតធ្វើងាយ នាំសិល្បៈដួល៕

Like ·  · Share

rbu Striking Workers Cruelly Suppressed

How cruel to use gangsters to suppress,
Factory workers on streets not to come:
Protests on labor conditions and wages,
To get a livable pay with a suitable sum.

This pic shows one of worker union leaders,
Has been brutally attacked, his arm broken,
Injuries and blood stains are clearly seen,
Events of the kind have happened so often.

បងប្អូនជួយមើលចុះ អាហ៊ុនសែនពេលនេះ កាន់តែធ្វើខ្លាំងឡើងៗហើយ តើឲ្យ...

បងប្អូនជួយមើលចុះ អាហ៊ុនសែនពេលនេះ កាន់តែធ្វើខ្លាំងឡើងៗហើយ តើឲ្យពួកយើងនៅស្ងៀមដល់ ពេលណាទៀត ល្មមក្ភ្ញាក់ខ្លួនក្រោកឡើង ទាំងអស់គ្នាហើយកូនខ្មែរអើយ
រោងចក្រ បឌី ឃីត ហ្វេស្សិន បានជួលជើងកាង មកធ្វើមនុស្សឃាត និងផ្លន់យកម៉ូតូ បីគ្រឿងទៀតផង

rbu ចាញ់ស្នេហ៍ចង-ក

ចាញ់អស់ជីវិត ព្រោះតែឆោត
បង្កើតចំណោទ ស្នេហ៍ចង-ក
បញ្ហាខ្លួនសាង អាក្រក់ល្អ
គួរប្រឹងស៊ូ-ត កុំចុះចាញ់។

ចង-កធ្វើឃាត បង់ជីវិត
ខ្លួនមិនចេះគិត ដឹងស្រឡាញ់
បង្កើតស្នេហា អត្តាអញ
បែរចាញ់បង់ចោល រស់ខ្វះន័យ។

កំហុសនរណា ក្នុងរឿងនេះ
ឪម៉ែក៏ធ្វេស ទាំងគិតខ្លី
គូស្នេហ៍ខូចចិត្ត លែងគិតអ្វី
វេះឮពាក្យស្ដី សម្លាប់ខ្លួន។

សង្គមក៍មាន ចំណែកខ្វះ
ពុំមានគោលច្បាស់ ចែងជាក្បួន
វេទិកាគិត ធ្វើផ្ទួនៗ
ឲ្យអ្នកមានខ្លួន មានផ្លូវចេញ។

នៅប្រទេសគេ វេទិកា
អ្នកមានបញ្ហា ទុក្ខទោម្នេញ
សង្គមវិទូ ចាំបញ្ចេញ
យោបល់ពោរពេញ ដំណោះស្រាយ។

ឯយើងទូរទស្សន៍ វិទ្យុជាតិ
ចាក់ផ្សាយហ៊ឹងព្រាត នយោបាយ
ភ្លេចរឿងសង្គម រាស្ត្រអត់បាយ
បញ្ហានឿយណាយ នឹងជីវិត។

គូស្នេហ៍ចង-ក មរណា
ខ្វះអ្នកប្រឹក្សា ខាងផ្លូវចិត្ត
គិតខ្លីស្រាប់ផង លែងខ្វល់គិត
ផ្ដាច់ផ្ដិលជីវិត អសោចកេរ្តិ៍៕

បើមានជាតិក្រោយពិតមែនសូមអោយអ្នកដែលស្រឡាញ់គ្នាជាតិនេះ មិនសមបំនង សូមអោយជួបគ្នាជាតិក្រោយ !
អ្នកដែលមិនចេះស្រឡាញ់ទើបមិនស្គាល់ពីអ្វីទៅការស្រឡាញ់ ការលះបង់ !
ចូរកុំសើច កុំបន្ទោសពួកគាត់ទាំងពីរ! ពិតស្មោះស្មគ្រ័មែន
Like The Nation Post — at Amazing Cambodian.

rbu សត្វឆ្កែញ៉ាំង

ឆ្កែញ៉ាំងញ៉ឹងសត្វ ពួកដង្កូវ
ញាត់ស៊កចូលទៅ សំបុកវា
ខាងក្នុងមែនពិត ដឹងគ្រប់គ្នា
ពុំមែនធ្វើជា កូនវាទេ។

ការពិតនោះគឺ វាពងដាក់
សំបុកវាជាក់ ពងពីមេ
ដង្កូវពីក្រៅ អាហារទេ
កូនញាស់ពងមេ ស៊ីដង្កូវ។

ដង្កូវកូនវា ញាស់ពីពង
ពូជសត្វល្អិតផង ពងដង្កូវ
សន្ដានបែបនេះ រៀងមកទៅ
សភាវៈត្រូវ តពូជញាតិ។

កូនញាស់ចេញរូប ដង្កូវមែន
វិវត្តបត់បែន តាមធម្មជាតិ
ដង្កូវពីក្រៅ គ្រាន់ជាធាតុ
អាហាររសជាតិ ឲ្យឆ្កែញ៉ាំង។

ឆ្កែញ៉ាំងប្រើជា គម្រូមួយ
ជំនួយគតិ វិជ្ជាតាំង
ស្ថាបត្យកម្ម ទីសម្អាង
សភាវៈតាង គំនិតវៃ។

សំបុកឆ្កែញ៉ាំង ដូចសំណង់
គម្រូរៀបប្លង់ អស្ចារ្យក្រៃ
វាចេះលៃលក និងកែឆ្នៃ
សង់ឋានអាស្រ័យ ដ៏ប្រណីត។

តែវាជាសត្វ ខុសពីមនុស្ស
សំបុកវាធ្លុះ សង់ផ្ចង់ផ្ចឹត
ទុកនៅប្រហោង វាពុំបិទ
ឯមនុស្សយើងពិត ជួសជុលសិន៕

សៅរ៍ ពុធពង្ស SAO PUTHPONG © rbu - SPP
Reading Benefits You http://r-b-u.blogspot.com/
ការអានមានប្រយោជន៍ កំណាព្យបីភាសា ខ្មែរ English Français
Contact: (+855)(0) 12 67 6784

អំពីផលវិបាករបស់អ្នកនិពន្ធ
ក្មួយៗជាទីស្រឡាញ់!បើក្មួយៗមានបំណងក្លាយខ្លួនទៅជាកវីនិពន្ធ ក្មួយៗត្រូវស្វែងយល់ឱ្យបាន
ច្បាស់អំពីផលវិបាករបស់អ្នកនិពន្ធម្នាក់ៗជាមុនសិន។ តើអ្វីជាផលវិបាកទាំងនោះ?
ចំពោះទស្សនៈខ្ញុំវិញ ខ្ញុំយល់ថា« នរណាម្នាក់ក៏អាចនិពន្ធបានដែរ ឱ្យតែគេមានចិត្តចង់ មានការព្យាយាម និង មានសេចក្តីក្លាហាន ។ល។ ប៉ុន្តែអ្វីដែលពិបាកចំពោះអ្នកនិពន្ធម្នាក់ៗ នោះគឺ ការរកទស្សនៈ ដោយឡែកដើម្បីអប់រំមនុស្សនោះហើយគឺជាការពិបាក»
ឧទាហរណ៍ៈ ទស្សនៈរបស់ព្រះរាជសម្ភារ ដែលជាកវីរាជសម័យក្រោយអង្គរ (សម័យឧដ្តុង្គលង្វែក) កំណាព្យឧបទេសកថារបស់ទ្រង់បានលើកឡើងថា
« ខ្លែងហើរត្បិតខ្យល់»។ល។ ចំពោះទស្សនៈដោយឡែករបស់ខ្ញុំវិញ កំណាព្យដែលជាស្នាដៃរបស់ខ្ញុំៗសរសេរថា « ខ្លែងហោះត្បិតខ្សែ »។ល។
ឧទាហរណ៍ខាងលើនេះហើយ គឺជា« ទស្សនៈដោយឡែក » ដែលយើងជាកវីនិពន្ធម្នាក់ៗត្រូវតែ
យល់ឱ្យបានច្បាស់។
ក្មួយៗដែលមានបំណងចង់ធ្វើជាកវីនិពន្ធ ក្មួយៗត្រូវ «ធ្វើតាមសត្វឃ្មុំដែលហើរក្រេបលំអងផ្ការាប់
សិបផ្កា ទើបបានជាទឹកដែលមានរសផ្អែមរបស់សត្វឃ្មុំ»។ ក្មួយកុំធ្វើតាមសត្វឆ្កែញាំង ដែលហើរពាំសត្វដង្កូវយកមកផ្ញាស់ធ្វើជាកូនរបស់ខ្លួននោះមិនល្អទេ។ ខ្ញុំចង់និយាយថា បើក្មួយៗចង់ធ្វើជា
កវីនិពន្ធ ក្មួយកុំលួចស្នាដៃគេមកធ្វើជាស្នាដៃរបស់ខ្លួន។ ក្មួយៗធ្វើយ៉ាងណាកុំឱ្យគេមើលងាយជាតិ
របស់យើង។ល។
វ៉ែន សុន
Posted by VEN SON វ៉ែន សុន at 7:29 PM

rbu មេឃវិចិត្រស្នេហ៍

ឱ លោកមេឃ សូមកុំដេក ទាំងថ្ងៃអី
ខ្ញុំនឹកស្រី ពៅរាល់ថ្ងៃ គ្មានចម្លើយ
សូមព្រះច័ន្ទ្រ នាំសៀងស័ព្ទ ប្រាប់ត្រាណត្រើយ
ពៅអូនអើយ ម្ដេចមិនឆ្លើយ ភ្លេចឬអ្វី?

ឱ ឥន្ធនូ សូមជួយគូរ វិចិត្រស្នេហ៍
រក្សាថែ ជួយមេឃខែ ពេញបូរមី
ច័ន្ទ្រចាកមេឃ បងបាត់អូន ទុក្ខរាត្រី
សូមពៅស្រី អូនប្រណី ចិត្តមេត្តា។

ឱ សុរិយា សូមមេត្តា ជួយសណ្ដោស
ប្រណីប្រោស ប្រទានសុំ បើកធំទ្វារ
ពេញចំហ លម្ហចិត្ត ទ្វារមេឃា
ពៅពម្ងា ជួបជាគ្នា ជាគូអើយ។