582 -- នយោបាយលាបពណ៌

លាបល្អគួរលាប ឲ្យសុខដុម
លាបពាលគួរកុំ នាំបែកបាក់
លាបត្រូវបានសុខ មិនឆ្កួតបក្ស
លាបខុសគ្រោះថ្នាក់ ជាតិកើតរឿង។

លាបសលាបខៀវ លាបក្រហម
លាបអ្វីតាមក្រម ទោះពណ៌លឿង
ឬពណ៌អ្វីណា ឲ្យគ្រប់គ្រឿង
ឲ្យជាតិរុងរឿង លាបទៅចុះ។

បើលាបដើម្បី តែអំណាច
ច្រឡោងជួកាច បង្ខូចខុស
ត្រូវវៀរជៀសវាង កុំបង្រុះ
បំភ្លៃបង្ខុស បង្ខូចគ្នា។

លាបបានសាច់ការ លាបសាមគ្គី
លាបស្មោះមូលមីរ ជាតិជានា
លាបនេះនាំជាតិ កម្ពុជា
សុខដុមរមនា ជាតិចម្រើន៕

© rbu_spp 12:41 pm ថ្ងៃព្រហស្បតិ៍ទី១១ ខែកញ្ញា ឆ្នាំ២០១៤ សៅរ៍ ពុធពង្ស

rbu 581 -- ធាតុមនុស្សបិសាច

បិសាចអពគ្រោះ ហ៊ានស៊ីសត្វរស់ នៅរើខ្វៃៗ
បើកភ្នែកម៉ក់ៗ សម្លក់ក្នុងដៃ ដឹងថាខ្លួនក្ស័យ
ក្នុងមាត់មនុស្ស។

អ្នកស៊ីទាំងនេះ ពុំបានត្រិះរិះ ដឹងតែស៊ីជុះ
ឲ្យឆ្ងាញ់មាត់ឯង សត្វគេកាត់ពុះ គ្នារើប្រឹងស្ទុះ
ពុំចេះតវ៉ា។

មនុស្សបិសាច ពុតស្លូតកំណាច ឫកពាលឫស្យា
ស៊ីសត្វទាំងរស់ ពុំមានមេត្តា គ្មានចិត្តករុណា
ជីវិតសត្វផង។

កង្កែបខំប្រឹង ត្រដរសម្លឹង ខ្លួនគេកាត់ចង
ជាពីរកំណាត់ ឈឺចាប់កន្លង ភ្នែកអង្វរផង
ខំហាមាត់ហៅ។

មើលត្រីប្រឹងរើ ត្រូវគេដោតឈើ ចាប់ស៊ីទាំងឆៅ
ហាមាត់ម្ហបៗ ដូចប្រឹងស្រែកហៅ ស្រែកផ្ដាំកូនចៅ
ដៀលជនបិសាច។

ឯពួកកូនពស់ ហេតុតែចង់រស់ ប្រឹងរើប្រសាច
ដឹងខ្លួនត្រូវស្លាប់ ក្នុងមាត់បិសាច ជនចិត្តកំណាច
ស៊ីសត្វទាំងរស់៕

© rbu_spp 10:17 am ថ្ងៃទី១០ ខែកញ្ញា ឆ្នាំ២០១៤

Happy Thursday Everyone! What do you think about eating animals alive? Write your comment below!

If you disagree with the statement, let's eat decent food using OpenSnap!

Download Now!
iOS: http://goo.gl/DObCq2 ... See More

2:33

Like

rbu 580 -- កាហ្វេចាំស្នេហ៍

កាហ្វេមួយកែវ ដាស់រឭក
ឲ្យបងនៅនឹក ទាំងព្រលឹម
ចាំសម្រស់ស្នេហ៍ ស្រីញញឹម
ពុំមានគូផ្ទឹម លើលោកា។

គេថាសង្សារ គេស្អាតដាច់
ឯបងចារស្រេច គ្មានស្រីណា
ស្អាតជាងអូនទេ កែវជីវា
ពេញគាប់នេត្រា ចិន្ដាចាំ។

ផ្ញើនឹកតាមក្លិន កាហ្វេស្រស់
បងលង់សម្រស់ ផ្ញើបណ្ដាំ
រក្សាភក្ដី ច្រើនខែឆ្នាំ
ស៊ូចាំតែស្រី ជាគូពិត៕

© rbu_spp 7:58 am ថ្ងៃទី១០ ខែកញ្ញា ២០១៤ Puthpong Sao សៅរ៍ ពុធពង្ស

Like

rbu 579 -- ចម្រៀងភ្លេងក្នុងធម្មជាតិ

មានតែមួយ លើលោក ធម្មជាតិពិត
ស្ដែងគំនិត ភ្ជាប់រឿង ច្រៀងកំដរ
ស៊ីនឹងភ្លេង ប្រគំ តន្ត្រីករ
សំនៀងល្អ ពីរោះ ឆក់បេះដូង។

កួចព្រលឹង សម្លឹង ទឹកខ្មួលខ្មាញ់
ហូរត្របាញ់ អណ្ដែត សែនអណ្ដូង
លើដងស្ទឹង សេកសក ឈរមើលច្រូង
ច្រៀងឥតគ្រោង ឥតព្រាង គេមើលភ្លឹក។

អ្នកចម្រៀង ផ្ញើសៀង តាមវាតា
ផ្ដាំទឹកថ្លា ថាចិត្ត បងនៅនឹក
ចាំផ្លូវអូន រាល់ថ្ងៃ យប់ដល់ព្រឹក
ចិត្តរឭក ត្រាណត្រើយ អូនអើយវិល៕

© rbu_spp 6:40 ថ្ងៃទី ១០ កញ្ញា ២០១៤

ចម្រៀងសេកសក , ផ្អើលពេញFacbook ដោយសាតែសំនៀងដ៏ពិរោះ
ក្រអួនក្រអៅរបស់បុរសម្នាក់ ជាមួយការប្រគុំតន្ត្រីនៅមាត់ទឹក

2:42

Like

rbu 578 -- មើលចន្ទម្នាក់ឯង

មើលចន្ទម្នាក់ឯង បន្លែងមូស
ស្តាប់សៀងឆ្កែព្រុស ឆ្មាស្រែកមេវ
ផឹកទឹកមួយកែវ ពោះនៅហេវ
ភ្នែកវិលលឿនស្លេវ មើលភ្លៅនាង។

ចន្ទចិត្តកំណាញ់ លាក់ពន្លឺ
ឲ្យនាងឫកឌឺ ងាកពង្វាង
ភ្នែកដេញតាមជ្រែក ឃើញព្រាងៗ
ស្រមៃឃើញនាង គេងកៀកកើយ។

អង្អែលភក្ត្រា នាងរសើប
ច្រមុះថ្នមថើប ព្រឺអស់ហើយ
ចន្ទអើយបើកភ្លើង ឲ្យទ្រូងស្បើយ
រួមរឹតត្រាណត្រើយ គេងកើយទ្រូង។

នៅនឹកអាឡោះ ភ្នំសួគ៌គូ
អង្អែលថ្នមយូរ រោមបះច្រូង
ស្ដាប់តន្ត្រីទិព្វ ភ្លេងបេះដូង
ព្រឺព្រួចសំពោង ពុំស្រដី។

ពពកកុំពាំង ឃាំងផ្លូវចិត្ត
មេត្តាកុំបិទ ចន្ទរង្សី
ឲ្យសាចចំពេញ ឃើញភក្ត្រស្រី
ឃើញសព្វអ្វីៗ គ្រាចុងក្រោយ៕

Like

rbu 577 -- កាលនោះ ពេលនេះ

កាលសម័យមុន បុណ្យចារកំណត់
អ្នកចេះប្រាកដ គិតតាមចំណេះ
មានសមត្ថភាព សក្ដិតាមតម្រិះ
ពុំមែនមិនចេះ ចាប់ដាក់តាមបក្ស។

សក្ដិបុណ្យតំណែង ដេញតាមចំណេះ
អ្នកមានតម្រិះ សមសួនបុណ្យសក្ដិ
ខុសពីឥឡូវ សញ្ញាប័ត្រ"បក្ស"
លក់ដូរលើកដាក់ តំណែងឡើងមុន។

បានតំណែងធំ ពុំគិតវិជ្ជា
រួចហើយនាំគ្នា ឡេមឡឺមផ្គាប់ផ្គុន
សញ្ញាប័ត្រទិញ ធ្វើជាដើមទុន
ខ្វះសម្បត្តិគុណ ធ្វើការមិនកើត។

អ្វីដែលកាក់កប ទ្រព្យជាតិហិនហោច
ច្បាប់ប្រែអសោច មនុស្សគ្មានកំណើត
កាន់ការធំៗ ផ្ដុំពួកដៃឆើត
ហៃអើលឹបអើត ចូលតាមទ្វារក្រោយ។

© rbu_spp September 9, 2014 Puthpong Sao

rbu 576 "សុចរិត" សរសេរឥតជើង "្ច" ខុសពី "ទុច្ចរិត"

"សុចរិត" សរសេរឥតជើង "្ច" ខុសពី "ទុច្ចរិត" សរសេរមានជើង "្ច" មកពីប្រភព/ឫសគល់ពាក្យ ឬ ប្រហែលជាត្រូវឆ្លើយតាមវិធី៖

កំប្លុកម្នាក់ឯង កំប្លែងទាំងអស់
កុំភ្លេចឲ្យសោះ ក្បួនមានតម្រា
អ្នកប្រូគាត់ខ្លាច អ្នកប្រាជ្ញគាត់ថា
គម្ពីរមានចារ ភាសាសរសេរ។

ភាសានិយាយ គិតងាយថាធូរ
ថាធ្លាប់យូរៗ ជ្រុះបាត់ទ្រព្យកេរភ្លេចបង់ទាំងក្បួន ជាតិខ្លួនទទេ
នឹកឃើញខ្ចីគេ ពីប្រភពឯង។

តាម វចនានុក្រមសម្ដេច ជួន ណាត៖

ទុច្ចរិត ទុច-ចៈរ៉ិត បា.; សំ. (ន.) (ទុឝ្ចរិត) ដំណើរប្រព្រឹត្តអាក្រក់ដោយកាយ, វាចា, ចិត្ត, (អកុសល) : គប្បីវៀរចាកទុច្ចរិត, ទុច្ចរិតជាអំពើដែលបណ្ឌិតត្រូវតែចៀសវាង។ ព.ផ្ទ. សុចរិត។

សុចរិត (ហៅ សុចរិតធម៌ ក៏បាន), មាន ៣ យ៉ាងគឺ ការប្រព្រឹត្តល្អដោយកាយ ហៅ កាយសុចរិត;... ដោយវាចា ហៅ វចីសុចរិត; ... ដោយចិត្តសុទ្ធ ហៅ មនោសុចរិត។ ព.ផ្ទ. ទុច្ចរិត។ សុចរិតយុត្តិធម៌ សុចរិតនិងយុត្តិធម៌; យុត្តិធម៌មានសុចរិតជាប្រមុខ, ជាប្រធាន។
Puthpong Sao