rbu 594 -- រាត្រីបិទភ្នែក

រាត្រីបិទភ្នែក ដេកមិនលក់
នៅអង្គុយងក់ ស្ងាបហ៊មៗ
ងើយមើលឃើញមេឃ ងងឹតព្រម
ផ្កាយពួនក្រោយខ្ទម ចិត្តកំព្រា។

យកដៃឱបទ្រូង លួងបេះដូង
រោមឡើងបះច្រូង កាយរងា
រណ្ដំជើងធ្មេញ បាត់ពម្ងា
ទ្រូងអើយវេទនា ព្រាត់សង្សារ។

អ្នកគ្រូ Danin ៖

នឹកគ្រាថ្នមបី ដៃត្រកង
គេងកើយទ្រូងបង ផ្សងស្នេហា
ធ្លាប់នៅនែបនិត្យ ជិតកាយា
ឥឡូវកនិដ្ឋា បែរឃ្លាតឃ្លា។

Puthpong Sao ៖

អូនឃ្លាតពីបង ព្រោះហេតុអ្វី
ឬស្នេហ៍ភក្ដី ត្រូវជួបមារ
ជ្រែកហែកទ្រូងបង ឲ្យក្រំគ្រា
រស់នៅកំព្រា ព្រាត់មាសមួយ?

សូមព្រះសណ្ដោស ប្រោសដល់ខ្ញុំ
ឲ្យបានជួបម៉ុម ផុតទុក្ខព្រួយ
មេឃអើយភ្លឺឡើង បើកភ្នែកជួយ
ប្រោះព្រំស្នេហ៍មួយ ជួបចន្ទ្រអូន។

Like