នាំគ្នាមើលចុះ ... មើលកុំឲ្យខុស ... មើលមួយស្រឡាញ់ ... មើលហើយកាន់ចិត្ត ... មើលកុំក្នក់ខ្នាញ់ ... កុំធ្មេចភ្នែកបាញ់ ... តម្រង់ខុសទី។
មើលត្រង់ឱរា ... ស្បៃបាំងយ៉ាងណា ... ក៏គង់យល់ពី ... សុដន់ទាំងគូ ... បង្ហាញឫទ្ធី ... ក្រពុំចាំទី ... សុខសួគ៌សុបិន។
ដូចភ្នំមំសា /សាច់/ ... ម៉ដ្ឋខៃយ៉ាងណា ... ឃាត់ចិត្តឈប់សិន ... កុំអាលរំលង ... គន់ឆោមមាសឆ្អិន ... ភ្នែកអើយអ្នកប៉ិន ... មើលពុំចេះឆ្អែត។
មើលទៅត្រគាក ... សាច់ណែនមិនជ្រាក ... ក្រោមស្បៃក្រឡែត ... ភ្លៅទាំងគូគង ... បាំងភ្នំត្រដែត ... មើលពុំចេះឆ្អែត ... តើគូនរណា។
ទំនងណាស់តើ ... ឈរជ្រែងមិនដើរ ... យ៉ាងខែងសង្ហា ... ដៃច្រត់ចង្កេះ ... ធ្វើឫកអស្ចារ្យ ... ឈរចាំភស្ដា /ប្ដី/ ... ឬបង្អួតរាង?
© rbu_spp 5:34 pm Jan 01, 2015 Puthpong Sao
