ក្នុងទូកលើផ្ទៃ សមុទ្រសាប
ងូតញើសជោកដាប កណ្ដាលថ្ងៃ
ខ្យល់បក់ម្ដងល្ហើយ ម្ដងក្ដៅក្រៃ
តែចិត្តស្រមៃ ត្រជាក់ជាប់។
ងូតញើសជោកដាប កណ្ដាលថ្ងៃ
ខ្យល់បក់ម្ដងល្ហើយ ម្ដងក្ដៅក្រៃ
តែចិត្តស្រមៃ ត្រជាក់ជាប់។
ក្មេងតូចប្រើជើង ធ្វើច្រវា
កាយទឹកឆ្វង់ថ្លា តាមទម្លាប់
ថ្នឹកស្ទាត់មួយៗ មិនញឹកញាប់
លើកមងផ្ទៀងផ្ទាប់ មើលជាប់ត្រី។
កាយទឹកឆ្វង់ថ្លា តាមទម្លាប់
ថ្នឹកស្ទាត់មួយៗ មិនញឹកញាប់
លើកមងផ្ទៀងផ្ទាប់ មើលជាប់ត្រី។
ពពកពីលើ ធ្វើឆត្របាំង
ជាម្លប់ឆ្លុះចាំង មេឃផុតដី
ត្រជាក់ម្ដងៗ គាប់មេត្រី
អ្នកនេសាទថ្មី វ័យតូចក្មេង។
ជាម្លប់ឆ្លុះចាំង មេឃផុតដី
ត្រជាក់ម្ដងៗ គាប់មេត្រី
អ្នកនេសាទថ្មី វ័យតូចក្មេង។
កុមារនេសាទ ចិត្តមិនខ្លាច
សមុទ្រល្ហល្ហាច ធំថ្លាឹឈ្វេង
ឃើញទូកជីវិត ហួសពីក្មេង
សមមានពេលលេង ចូលសាលា។
សមុទ្រល្ហល្ហាច ធំថ្លាឹឈ្វេង
ឃើញទូកជីវិត ហួសពីក្មេង
សមមានពេលលេង ចូលសាលា។
ឱទន្លេសាប ធំល្វើយល្វឹង
លាតពេញសន្ធឹង ដែនមច្ឆា
ជាសមុទ្រក្នុង ផ្ទៃជលសា
ជួយជាតិខេមរា រស់ច្រើនលាន។
លាតពេញសន្ធឹង ដែនមច្ឆា
ជាសមុទ្រក្នុង ផ្ទៃជលសា
ជួយជាតិខេមរា រស់ច្រើនលាន។
ទន្លេសាបនេះ រន្ទឺឈ្មោះ
ទិន្នផលត្រីខ្ពស់ ទីទៃគ្មាន
លេខមួយលើលោក ខ្មែររស់រាន
សំបូរផលទាន ត្រីទឹកសាប៕
ទិន្នផលត្រីខ្ពស់ ទីទៃគ្មាន
លេខមួយលើលោក ខ្មែររស់រាន
សំបូរផលទាន ត្រីទឹកសាប៕
© rbu_spp 11:55 am November 1, 2014 Puthpong Sao
